عزيزي الشاب
اذا كنت تحوس تدور بيت لأهلك
أو تبحث مع عروسك عن مقر للعشه الزوجيه
أو حتى كرشوك أهلك من البيت ووصلت لحاله مزريه من التلحيط و ناوي تسترجل و تسكن لحالك
ف انتبه
انتبه
ومره ثالثه انتبه
تسكن جنب ابتدائيه بنات !!!!!!
مهما كانت الظروف و المغريات
مهما كان اجار الفله او الشقه رخيص
حتى لو قالوا لك اسكن جنب ابليس وافق ههههههه
بس بلاش ابتدائيه البنات
اسمع كلامي
انا زي اخوك و اعرف مصلحتك
و الكلام ذا ما جا من عبث
بل بعد معاناه 3 سنين
تدور احداث القصه قبل بضع سنوات و بضع ايام و بضع ليالي
اضطريت ادور سكن بالرياض
واذا بتلك الشقه المثيره للسعبوله و الشفقه ===>ياعمري انا على الاسلوب
قلت بس جاك الموت يا تارك الصلاه
(( عندي مشكله في الاستشهاد ))
قلت بس
هذي هي فتاه احلامي
اللي مرت فوق الحصان الاسود
و صفقتني بالعجرا فدخت من حبها
===> اوم الحب اللي تعرفه ياشيخ
ولكن الحلو ما يكمل
واااااااا حسرتاه
الشقه طلعت عوايل ===> هالكلمه وين ما اروح القاها بوجهي
لكن هيهات ==> متعوب على هالكلمه
عشرين سنه دشره مع صديقي
ابو صعفق على الفاضي
اكيد اكيد لازم يفيدني بهالموضوع
وفعلا رحت له
تركي بن صعفق طيب الله ثراه
وقلت له تكفي يابو صعفق طالبك
قال ماعليك كلها بطاقه عايله مزوره و تنحل
قلت بس تزوير
ومع كذا انا مستعد اذبح نص الرياض بس اخذها
وصدقوا ولا ما تصدقوا
مشت
ودخلت الشقه وانا مزهو بنشوه الاقحوان و العنادل ترقص في فضاء الشقق وهي تغني
سكّري ياورده فتّحي ياورده
ونا مبسوووط قاعد اغني
لين طلع الصبح
بعد سبع دقايق من وضع راس على المخده
كنت على موعد مع الكارثه الكبرى
كارثه مأساويه
قمت مفزوع
وش ذا ياعيال
زلزال
ركزت شوي
و اذا و الله دعوه طلعت نشيد الوطني بصوت بزران ابتدائيه البنات اللي جنبي
لا حول ولا قوه الا بالله
بنبتل كذا ولا كيف قلت ياولد خلك الكبير و اصبر لين يقضى الطابور و كل بزره تذلف فصلها
لكن للاسف هذا كله تسخين هههههههههههههه
لان الوناسه بدت يوم دخلوا البزران الفصل المقابل لغرفتي
يا ربي وش سويت بدنياي
تصدقون
انا لي عشرين سنه وانا ادرس ما حفظت سارعي الا يوم سكنت بالشقه
و ياليتها جت على سارعي ، حفظت كرتي كرتي ما أحلاها ، و هري يلعب فوق السطحي
بس ما انجن واتلفت أعصابي ألا اذا دخلت أبله منيره فصل ثاني ابتدائي
( اللي هو الفصل اللي جنب غرفتي )
لأن ابله منيره تعشق الزعاق عشق جنوني و هذا يعطي البنات دفعه معنويه فيصيرون يزاعقون اشنع من أي وقت مضى هذا بالأضافه لأن ابله منيره تخلي البنت تعيد النشيد من أول اذا اخطت
( طيب اخترعوا البراشيم ليه مو عشان المواقف المحرجه اللي زي هذي بس عاد وش تقول الجيل الجديد مضروب )
بعد السنه الأولى تأزم الوضع
لأن اول كانت ابله منيره تسيير على الفصل في اليوم حصه و لا اثنين
الحين الأبله صارت المشرفه على الفصل و مبلطه كل الوقت وداقة لها خيمة بوسط الفصل
في السنه الثانيه صار عندي تبلد حسي خصوصا بعد ما بديت استخدم سدادات الأذن بالأضافه لشعور غبي هو اني حسيت اني عايد ثاني ابتدائي
( طيب على الأقل غيروا و حطو جنبي ثالث)
لكن في السنه الثالثه
بديت اخش جو صراحه
( الشكوى لله )
وصار عادي انك تشوفني ماشي في الشارع وانا اغني
في مدرستي دار الحب ..... العب اجري انا وصحبي
لا وتدرون متى اكيف الى منه دخلت ابله منيره الفصل وقالت
السلام عليكم
عاد ارد انا مع البزارين ونقول وااااعاااااليييييكووووموووو السااالاااااام وراااااحمة الله
وبركاااااااته<== بصوت عالي متحمسين ههههههههه
كيف حالكم يا اطفال
بخير مادمنا شفنا خشتكي
الين جا ذاك اليوم الأغبر
( مثل باقي الأيام اللي راحت )
وكنت ابحتفل بمناسبه حلوه وراجع الشقه بدري و انا مبسوط
دخلت الشقه واناظر الساعه وتطلع عشر قلت كويس البنات الحين عندهم تربيه فنيه ونازلين تحت
( حافظ الجدول حقهم المسيكين )
و الله و اشغل المسجل وافتح الدريشه لان الجو كان حلو و دخلت اتروش و اتزبط
المهم بعد فتره
سمعت جرس الباب ، استغربت منذا اللي جاي هالحزه ، فتحت الباب وانا اخرخر مويه
و اذا والله فراش المدرسه و معه ورقه ومدها لي
اناظر الورقه وطلع محتواها : أخي الفاضل الرجاء التكرم بخفض الصوت مراعاة للطالبات في المدرسه اللي جنبك يا لوح وشكرا
اذا كنت تحوس تدور بيت لأهلك
أو تبحث مع عروسك عن مقر للعشه الزوجيه
أو حتى كرشوك أهلك من البيت ووصلت لحاله مزريه من التلحيط و ناوي تسترجل و تسكن لحالك
ف انتبه
انتبه
ومره ثالثه انتبه
تسكن جنب ابتدائيه بنات !!!!!!
مهما كانت الظروف و المغريات
مهما كان اجار الفله او الشقه رخيص
حتى لو قالوا لك اسكن جنب ابليس وافق ههههههه
بس بلاش ابتدائيه البنات
اسمع كلامي
انا زي اخوك و اعرف مصلحتك
و الكلام ذا ما جا من عبث
بل بعد معاناه 3 سنين
تدور احداث القصه قبل بضع سنوات و بضع ايام و بضع ليالي
اضطريت ادور سكن بالرياض
واذا بتلك الشقه المثيره للسعبوله و الشفقه ===>ياعمري انا على الاسلوب
قلت بس جاك الموت يا تارك الصلاه
(( عندي مشكله في الاستشهاد ))
قلت بس
هذي هي فتاه احلامي
اللي مرت فوق الحصان الاسود
و صفقتني بالعجرا فدخت من حبها
===> اوم الحب اللي تعرفه ياشيخ
ولكن الحلو ما يكمل
واااااااا حسرتاه
الشقه طلعت عوايل ===> هالكلمه وين ما اروح القاها بوجهي
لكن هيهات ==> متعوب على هالكلمه
عشرين سنه دشره مع صديقي
ابو صعفق على الفاضي
اكيد اكيد لازم يفيدني بهالموضوع
وفعلا رحت له
تركي بن صعفق طيب الله ثراه
وقلت له تكفي يابو صعفق طالبك
قال ماعليك كلها بطاقه عايله مزوره و تنحل
قلت بس تزوير
ومع كذا انا مستعد اذبح نص الرياض بس اخذها
وصدقوا ولا ما تصدقوا
مشت
ودخلت الشقه وانا مزهو بنشوه الاقحوان و العنادل ترقص في فضاء الشقق وهي تغني
سكّري ياورده فتّحي ياورده
ونا مبسوووط قاعد اغني
لين طلع الصبح
بعد سبع دقايق من وضع راس على المخده
كنت على موعد مع الكارثه الكبرى
كارثه مأساويه
قمت مفزوع
وش ذا ياعيال
زلزال
ركزت شوي
و اذا و الله دعوه طلعت نشيد الوطني بصوت بزران ابتدائيه البنات اللي جنبي
لا حول ولا قوه الا بالله
بنبتل كذا ولا كيف قلت ياولد خلك الكبير و اصبر لين يقضى الطابور و كل بزره تذلف فصلها
لكن للاسف هذا كله تسخين هههههههههههههه
لان الوناسه بدت يوم دخلوا البزران الفصل المقابل لغرفتي
يا ربي وش سويت بدنياي
تصدقون
انا لي عشرين سنه وانا ادرس ما حفظت سارعي الا يوم سكنت بالشقه
و ياليتها جت على سارعي ، حفظت كرتي كرتي ما أحلاها ، و هري يلعب فوق السطحي
بس ما انجن واتلفت أعصابي ألا اذا دخلت أبله منيره فصل ثاني ابتدائي
( اللي هو الفصل اللي جنب غرفتي )
لأن ابله منيره تعشق الزعاق عشق جنوني و هذا يعطي البنات دفعه معنويه فيصيرون يزاعقون اشنع من أي وقت مضى هذا بالأضافه لأن ابله منيره تخلي البنت تعيد النشيد من أول اذا اخطت
( طيب اخترعوا البراشيم ليه مو عشان المواقف المحرجه اللي زي هذي بس عاد وش تقول الجيل الجديد مضروب )
بعد السنه الأولى تأزم الوضع
لأن اول كانت ابله منيره تسيير على الفصل في اليوم حصه و لا اثنين
الحين الأبله صارت المشرفه على الفصل و مبلطه كل الوقت وداقة لها خيمة بوسط الفصل
في السنه الثانيه صار عندي تبلد حسي خصوصا بعد ما بديت استخدم سدادات الأذن بالأضافه لشعور غبي هو اني حسيت اني عايد ثاني ابتدائي
( طيب على الأقل غيروا و حطو جنبي ثالث)
لكن في السنه الثالثه
بديت اخش جو صراحه
( الشكوى لله )
وصار عادي انك تشوفني ماشي في الشارع وانا اغني
في مدرستي دار الحب ..... العب اجري انا وصحبي
لا وتدرون متى اكيف الى منه دخلت ابله منيره الفصل وقالت
السلام عليكم
عاد ارد انا مع البزارين ونقول وااااعاااااليييييكووووموووو السااالاااااام وراااااحمة الله
وبركاااااااته<== بصوت عالي متحمسين ههههههههه
كيف حالكم يا اطفال
بخير مادمنا شفنا خشتكي
الين جا ذاك اليوم الأغبر
( مثل باقي الأيام اللي راحت )
وكنت ابحتفل بمناسبه حلوه وراجع الشقه بدري و انا مبسوط
دخلت الشقه واناظر الساعه وتطلع عشر قلت كويس البنات الحين عندهم تربيه فنيه ونازلين تحت
( حافظ الجدول حقهم المسيكين )
و الله و اشغل المسجل وافتح الدريشه لان الجو كان حلو و دخلت اتروش و اتزبط
المهم بعد فتره
سمعت جرس الباب ، استغربت منذا اللي جاي هالحزه ، فتحت الباب وانا اخرخر مويه
و اذا والله فراش المدرسه و معه ورقه ومدها لي
اناظر الورقه وطلع محتواها : أخي الفاضل الرجاء التكرم بخفض الصوت مراعاة للطالبات في المدرسه اللي جنبك يا لوح وشكرا